Скопје, 17.01.2023 – Ректорот на Универзитетот „Мајка Тереза“ во Скопје проф. д-р. Изет Зеќири во деловна посета како домаќин го пречека ректорот на Универзитетот „Св. Кирил и Методиј“ во Скопје, проф. д-р. Никола Јанкуловски.

На средбата двајцата ректори разговараа за општата состојба во високото образование, начините за негово унапредување, како и за продлабочување на соработката меѓу Универзитетот „Мајка Тереза“ во Скопје и Универзитетот „Св. Кирил и Методиј“.

Ректорот Зеќири го информираше гостинот за случувањата во УМТ, студиските програми во рамките на факултетите, бројот на студенти и за новите објекти кои владата ги намени за УМТ во касарната Илинден.

Двајцата соговорници разговараа за соработката меѓу студиските програми на факултетите, активности во рамките на меѓууниверзитетската управа.

За време на средбата, ректорот Зеќири на ректорот Јанкуловски му врачи плакета со ликот на албанската нобеловка Гонџе Бојаџиу – Мајка Тереза.