Скопје, 19.05.2025 – Универзитетот „Мајка Тереза“ во Скопје беше збогатен со донација од 700 книги од издавачката куќа „Логос А“. По овој повод, ректорот проф. д-р Беким Фетаји го прими г-дин Мухамед Јашари на работна средба, претставник на „Логос А“, да изрази институционална благодарност за овој вреден придонес во поддршката на академскиот развој и проширувањето на библиотечниот фонд.

На средбата присуствуваа и проректорите вонр. проф. д-р Дитурије Исмаили и вонр. проф. д-р Фати Исени, како и вонр. проф. д-р Аргетим Салиу и г-дин Дритон Зендели, каде што ректорот Фетаји ги презентираше најновите случувања на универзитетот и ја нагласи важноста од поддршката на современата литература за зголемување на квалитетот на образованието.

Г-дин Јашари нагласи дека донацијата вклучува над 130 наслови од различни области, кои ќе послужат како важен истражувачки ресурс за студентите и академскиот кадар на УМТ.

Во просториите на универзитетската библиотека, ректорот Фетаји додели благодарница на издавачката куќа „Логос А“, во име на студентите, академскиот и административниот кадар, во знак на благодарност за дадениот придонес во збогатувањето на академските ресурси на универзитетот.

Сите поднесени публикации, откако ќе бидат подредени во соодветни тематски области, ќе бидат подготвени за употреба од страна на универзитетската заедница. Г-ѓа Елијеса Амети, вработена во универзитетската библиотека, ги поздрави и ги очекува сите заинтересирани за читање и напредни студии.