Скопје, јуни 2025 година – Како дел од свеченоста по повод апсолвентиадата и во контекст на зајакнување на врските со алумните, ректорот на Универзитетот „Мајка Тереза“ во Скопјe, проф. д-р Беким Фетаји, им додели признание на членовите на Управниот одбор на Здружението на алумни на УМТ.

По овој повод, признанија им беа доделени на: Берна Маслани, Бесар Ферати, Рувејд Идризи и Анеса Исмаили, дипломирани студенти кои сега се активни членови на професионални и социјални мрежи и се посветени на градењето и зајакнувањето на Здружението на алумни на УМТ, придонесувајќи за одржување на трајна врска меѓу поранешните студенти и нашата институција.

Ректорот Фетаји, за време на церемонијата на доделување на признанијата, ја нагласи важноста на Здружението на алумни како мост помеѓу дипломираните студенти и универзитетот, служејќи не само како платформа за соработка и вмрежување, туку и како извор на инспирација за новите генерации студенти.

УМТ ќе продолжи да ги поддржува и зајакнува своите алумни структури, со цел да ги промовира академските, професионалните и човечките вредности што ги носат неговите дипломирани студенти.