Скопје, октомври 2026 година – Со особено задоволство објавуваме дека Исламскиот младински форум ја избра нашата студентка Фатиме Ајдини за најдобра студентка за 2026 година.

Фатиме Ајдини е извонредна студентка на студиската програма по Психологија при Факултетот за општествени науки на Универзитетот „Мајка Тереза“ во Скопје.

Ова престижно признание го доби благодарение на нејзината исклучителна посветеност, одличниот академски успех со просечна оценка 10,00, како и бројните научни и академски достигнувања во текот на студиите.

Упатуваме срдечни честитки до Фатиме Ајдини за овој значаен успех и ѝ посакуваме уште многу достигнувања во нејзината професионална и академска кариера! Нека нејзините успеси бидат пример и инспирација за сите млади луѓе.