Скопје, 14.11.2023 – Ректорот на Универзитетот „Мајка Тереза“ во Скопје, проф. д-р. Изет Зеќири денеска на работна средба го пречека директорот на Фондацијата за развој на образованието и културата „Албиз“, г-дин. Бесир Дерњани да разговараат за финализирање на донацијата од Фондацијата „Албиз“.

Ректорот Зеќири во име на вработените на УМТ му се заблагодари на директорот Дерњани за максималната посветеност во однос на инвестициите за објектот Б и целосното реновирање на предавалните и универзитетската библиотека.

Директорот на Фондацијата за развој на образованието и културата „Албиз“ г-дин. Бесир Дерњани истакна дека ваквите инвестиции се реализираат благодарение на донаторите кои работат во рамките на Фондацијата „Албиз“, кои секогаш се во служба на општеството.

Оваа донација на Универзитетот „Мајка Тереза“ во Скопје беше спроведена под раководство на Фондацијата за развој на образованието и културата „Албиз“ во составен дел на компаниите „Алма М“, „Ефтинија Импекс“, „Темпо профил 99“ и достигна вредност од над 120.000 илјади евра.