Скопје, ноември 2025 година – Во рамките на меѓууниверзитетската академска соработка, на Универзитетот „Мајка Тереза“ во Скопјe, се одржа отворено предавање од ректорот на Универзитетот „Кадри Зека“ во Гњилане, вон. проф. д-р Артан Дермаку, во својство на визитинг-професор.

Предавањето на тема: „Од проблемите со ограничена задоволителност (CSP) до модерната вештачка интелигенција, хипергради, оптимизацијата и новите трендови во компјутерските науки“, означи важен настан за студентите на Факултетот за информатички науки и за сите присутни, донесувајќи длабок пристап кон современите развои во областа на вештачката интелигенција и нејзините примени.

За време на предавањето, професорот Дермаку сподели вредни искуства и знаења поврзани со предизвиците и потенцијалот на научните истражувања во дигиталното доба, нагласувајќи ја важноста на меѓуинституционалните соработки во унапредувањето на компјутерските науки.

Во знак на благодарност, ректорот на Универзитетот „Мајка Тереза“ во Скопје, проф. д-р Беким Фетаји, во име на универзитетскиот кадар и студентите, му додели признание на ректорот на Универзитетот „Кадри Зека“ во Гњилане, вон. проф. д-р Артан Дермаку за неговиот вреден придонес како визитинг-професор во рамките на отвореното предавање организирано од Универзитетот „Мајка Тереза“ во Скопје.

Настанот се одржа во посебна академска атмосфера и го следеа професори, соработници и студенти на Универзитетот „Мајка Тереза“ во Скопје.