Скопје, ноември 2025 година – Студентите од студиската програма Криминалистика на Правниот факултет при Универзитетот „Мајка Тереза“ во Скопјe, од втора и трета година, спроведоа посета и практична обука во касарната „Илинден“, во рамките на предметите Вооружување и опрема, Обука за оружје и криминалистика. Домаќини на активноста беа баталјонот на Воената полиција и баталјонот на Ренџерите, со одлична организација од подофицерот Кире Симоновски.

Студентите, предводени од проф. д-р Мухамет Рацај, пензиониран генерал-мајор, и вонр. проф. д-р Аргетим Салиу, имаа можност да стекнат теоретски и практични знаења за типологиите, карактеристиките и функционирањето на пешадиското оружје, опремата и техничките средства кои ги користат воените единици, стандардните процедури за расклопување, склопување и употреба на оружје, под надзор на професионални инструктори.

Како дел од демонстрацијата на форензичките техники на Баталјонот на Воената полиција, под раководство на подофицерот Алиев, студентите изведоа практични вежби за блокирање и обезбедување на местото на злосторството, испитување и фиксирање на разни траги, добивање отпечатоци од прсти преку магнетен прав, според стандардните истражни процедури.

Оваа практична активност беше оценета како исклучително успешна, допринесувајќи директно во зајакнувањето на професионалните компетенции на студентите по Криминалистика.