Скопје, 06.05.2026 – Факултетот за социјални науки при Универзитетот „Мајка Тереза“ во Скопје, во соработка со Хуманитарната организација „Kalliri i Mirësisi“, успешно ја реализираше панел-дискусијата на тема: „Децата без родителска грижа во современите општества: предизвиците и нашата одговорност“.

На овој настан присуствуваа академици, студенти и претставници на граѓанското општество со цел да се обработи едно од најчувствителните социјални прашања и да се поттикне размислување за нашата колективна одговорност.

Во текот на панел-дискусијата, панелистите ја обработија темата од различни интердисциплинарни перспективи. Проф. д-р Енвер Абдулахи дискутираше за социолошките димензии на оваа проблематика во современото општество, доц. д-р Елизабета Бајрами Ологу, предавач по социјални политики, се фокусираше на законските рамки и институционалната поддршка, доц. д-р Нита Белули Лума, предавач по психологија, го анализираше емоционалното и развојното влијание врз децата без родителска грижа, додека г. Зија Исмаили, во својство на теолог, понуди перспектива за етичките и хуманите вредности на грижата кон оваа категорија.

Настанот ја постигна својата цел да поттикне дијалог и општествена свест, истакнувајќи ја потребата од поголем ангажман на сите чинители за обезбедување на подобра иднина за децата без родителска грижа.