Скопје, 04.05.2026 година – Ректорот на Универзитетот „Мајка Тереза“ во Скопје, проф. д-р Беким Фетаји, придружуван од проректорите проф. д-р Сани Демири, проф. д-р Фати Исени и членови на академскиот кадар, присуствуваше на свеченото отворање на Саемот на албанската книга „СКОПЈЕ 2026“. Овој значаен културен настан за првпат се организира на плоштадот „Скендербег“ во Скопје, под покровителство на Општина Чаир и во соработка со Институтот за книга и промоција (IILP), претворајќи се во важен центар за културна и научна комуникација.

Во рамките на овој саем, УМТ денес го отвори својот посебен штанд наменет за читателите, студентите и љубителите на образованието. На штандот беа претставени бројни научни публикации, универзитетски учебници, периодични списанија и академски трудови, кои се резултат на долгогодишната научноистражувачка работа на професорите и истражувачите на УМТ.

Со цел да им излезе во пресрет на читателите и да ја поттикне љубовта кон книгата и знаењето, УМТ презеде посебна и благородна иницијатива – сите книги изложени на штандот беа подарени бесплатно на посетителите, овозможувајќи секој љубител на книгата и студент да добие бесплатен примерок како симболичен подарок од Универзитетот.

Успешната промоција на штандот и претставувањето на овие научни изданија со висока академска вредност беа реализирани под грижата и директниот ангажман на Елмјеса Амети Азизи од Универзитетската библиотека на УMТ и м-р Бесир Ибиши од Одделот за протокол и односи со јавноста. Тие се погрижија посетителите детално да се запознаат со издавачката дејност на нашата институција.

На штандот на Универзитетот „Мајка Тереза“ во Скопје во текот на првиот ден од саемот им се придружија и бројни професори од различни факултети на УMТ. Тие остварија отворени разговори и разменија мислења, идеи и академски размислувања со читателите, студентите и заинтересираните граѓани.