Куманово, ноември 2026 година – Центарот за кариера при Универзитетот „Мајка Тереза“ во Скопје организираше обука за кариерно ориентирање со матурантите од Гимназијата „Сами Фрашери“ во Куманово.

Работилницата ја водеше м-р Илир Идризи, раководител на Центарот за кариера при УМТ, кој преку интерактивен пристап ги вклучи матурантите во процесот на препознавање на нивните лични интереси, способности и вредности, како и во истражувањето на можностите за студирање и професионален развој.

За време на обуката, учениците се запознаа со главните фактори што влијаат врз изборот на студии, разликите меѓу професијата, студирањето и кариерата, а имаа можност и практично да ја користат веб-апликацијата за кариерно ориентирање, преку која ги истражуваа студиските програми и изработија индивидуален план за својата академска и професионална иднина.

Целта на оваа иницијатива е да им помогне на матурантите да донесуваат информирани и свесни одлуки за својата иднина, преку препознавање на сопствениот потенцијал и можностите што најмногу одговараат на нивните интереси и способности.

Им благодариме на раководството и наставниот кадар на Гимназијата „Сами Фрашери“ за соработката и гостопримството, како и на матурантите за нивното активно учество.

By