Ректорот на УМТ, проф. д-р Изет Зеќири ги прими првите пријави за упис на потенцијалните студенти

Скопје, 26.08.2024 – На Универзитетот „Мајка Тереза“ во Скопје денеска започна првиот уписен рок за новите студентИ кој беше проследен со висок интензитет на интерес за први и втор циклус на студии.

Ректорот на УМТ, проф. д-р Изет Зеќири ги посети приемните комисии каде ги прими и првите уписни пријави на новите студенти на Универзитетот „Мајка Тереза“ во Скопје. За време на средбата, присутни беа и проректорите вон. проф. д-р Фати Исени, доц. д-р Бујамин Бела и генералниот секретар г-ѓа. Мукадес Хајдари.

УМТ на своите осум факултети содржи исклучиво дефицитни програми, кои се бараат на пазарот на трудот и атрактивни програми и насоки на мајчин јазик во главниот град на државата. Конкурсот за уписи во првиот уписен рок има 1975 места за пријавување.

Голем број на предавачи и административен кадар им стојат на располагање на сите млади студенти кои сакаат да ја продолжат својата студиска кариера на академската платформа 2024/2025 на УМТ.

Осумте студиски факултети:

👉Факултет за градежништво и архитектура

👉Факултет за технички науки

👉Факултет за информатички науки

👉Факултет за социјални науки

👉Факултет за технолошки науки

👉Факултет за хуманистички науки

👉Економски факултет

👉 Правен факултет

Првиот уписен рок ќе трае од 𝟐𝟲 август до 𝟑𝟎 август во назначеното време за уписи.