Липково/Скопје, 15.09.2026 – Универзитетот „Мајка Тереза“ во Скопје денес го заокружи уште едно значајно институционално партнерство, со потпишување на Меморандум за соработка со Општина Липково. Договорот беше потпишан на официјална средба од страна на ректорот на УМТ, проф. д-р Беким Фетаји, и градоначалникот на Општина Липково, г. Еркан Арифи.

Овој Меморандум има за цел воспоставување формална рамка за институционална соработка меѓу Општина Липково и УМТ, со цел поврзување на локалната власт со академската заедница, поттикнување на социо-економскиот развој, подобрување на квалитетот на животот во општината, како и практично и професионално оспособување на студентите.

На оваа значајна средба, ректорот Фетаји беше придружуван од висока делегација на УМТ, составена од проректорите проф. д-р Фати Исени и проф. вонр. проф. д-р Бујамин Бела, генералниот секретар д-р Рахим Јашари, како и м-р Дритон Зендели и м-р Бењамин Реџепи.

Главните области на соработка утврдени со договорот опфаќаат развој на технологијата, софтверот и сајбер-безбедноста, земјоделството и поддршката на локалните производители, одржливото управување со животната средина и енергијата, јавните политики и образованието, како и вклучување на факултетите со нивната експертиза од областа на правните, економските и хуманистичките науки.

Исто така, договорот предвидува подготовка на заеднички апликации за европски проекти (ИПА, Хоризонт Европа, Прекугранична соработка и други), обезбедување научна експертиза од страна на академскиот кадар, како и создавање услови за практична работа и ангажирање на студентите на УМТ во секторите на Општина Липково.

Оваа четиригодишна соработка претставува значаен чекор во отворањето на УМТ кон локалните институции и создавањето конкретни можности за развој на регионот и на нашите студенти.