Универзитетот „Мајка Тереза“ и Фондацијата „AXIS“ ја зајакнуваат соработката за образовни, културни и меѓукултурни проекти

Скопје, 29.10.2025 година – Ректорот на Универзитетот „Мајка Тереза“ во Скопјe, проф. д-р Беким Фетаји, ги пречека на работна средба претставниците на Фондацијата за развој и цивилизација „AXIS“, предводени од извршниот директор г-дин Руфат Шерифи, заедно со д-р Кујтим Касами, претседател на Центарот за институционално разбирање и соработка, и г-дин Милазим Мустафи.

За време на средбата, присутните му упатија честитки на ректорот проф. д-р Беким Фетаји за неговата високо академска должност и одговорност, нагласувајќи ја важноста од меѓусебна соработка меѓу високообразовните институции и организациите кои го промовираат општествениот и културниот развој.

На средбата беа разгледани можностите за соработка во области од заеднички интерес, вклучително и развојот на образовни, културни и истражувачки проекти, како и организирањето на заеднички активности насочени кон промовирање на дијалогот, меѓукултурното разбирање и унапредување на вредностите на соживотот.

Како заклучок, страните ја изразија својата подготвеност за конкретизирање на соработката во идните проекти и за градење одржливи мостови меѓу академската заедница и граѓанското општество.