Скопје, 20.04.2026 – Ректорот на Универзитетот „Мајка Тереза“ во Скопје, проф. д-р Беким Фетаји, придружуван од проректорот вонр. проф. д-р Сани Демири, денес учествуваше на Бизнис форумот меѓу Република Северна Македонија и Република Казахстан.

Настанот, кој се одржа во просториите на Стопанската комора на Северна Македонија, претставуваше значајна платформа за зајакнување на економските и образовните односи меѓу двете земји.

Ректорот Фетаји имаше можност да го проследи потпишувањето на стратешки договори за трговска и економска соработка. Учеството на УМТ на овој форум ја нагласува посветеноста на универзитетот за градење мостови на соработка со бизнис секторот, како и со домашни и меѓународни институции.