Тирана, мај 2025 година – Студентите од програмата за спорт и спортски науки на Факултетот за социјални науки при Универзитетот „Мајка Тереза“ во Скопјe учествуваа на меѓународниот семинар “Leadership Through Sport – Sports Diplomacy Program”, што се одржа на 23 и 24 мај 2025 година во Тирана, како дел од иницијативата на TALMAKO – Albania–North Macedonia in Action, со поддршка од Државниот департмент на САД, GSMP, ESPNW и Амбасадата на САД во Тирана.

За време на семинарот, студентите имаа можност да присуствуваат на предавања, интерактивни сесии и дискусии за улогата на спортот во градењето лидерство, родовата еднаквост, јакнењето на младите и социјалниот активизам. Гости-говорници беа познати имиња од областа на спортот и спортската дипломатија.

Учесниците активно придонесоа и им беа доделени сертификати, градејќи мрежи за соработка за идни проекти во областа на спортот како инструмент за општествени промени и развој.