Скопје, 05.11.2026 – Центарот за кариера при Универзитетот „Мајка Тереза“ во Скопје, во соработка со World University Service of Germany (WUS), на 5 ноември 2026 година успешно ја реализираше Работилницата за аплицирање и развој на кариерата, во рамките на програмата „Career Transition Support Programme for North Macedonia and Kosovo“.

За време на работилницата, студентите на УМТ имаа можност да ги развијат и унапредат своите практични вештини за подготовка и аплицирање на пазарот на трудот, преку интерактивни активности, конкретни примери и професионални совети.

Обуката опфати неколку од најважните аспекти на подготовката за вработување, како што се:

• Изработка на професионална и конкурентна биографија (CV);
• Пишување мотивациско писмо;
• Подготовка и успешно претставување на интервјуа за работа;
• Практични совети за аплицирање и можности за вработување;
• Професионално вмрежување и комуникација со работодавците.

Обучувач на работилницата беше м-р Илир Идризи, директор на Центарот за кариера при УМТ, кој со студентите ги сподели своите знаења, искуства и практични препораки за зголемување на нивната подготвеност за премин од студиите кон пазарот на трудот.

Преку оваа иницијатива, студентите стекнаа значајни знаења и вештини за изработка на поквалитетни апликации, подобро презентирање на своите компетенции и посигурно соочување со предизвиците и можностите на пазарот на трудот.

Центарот за кариера при УМТ ќе продолжи да организира слични активности и програми, со цел професионално зајакнување на студентите и обезбедување поддршка во градењето на нивната кариера.