Скопје, април 2024 година – Студентите од студиската програма Криминалистика остварија студиска посета на Центарот за обука на кучиња трагачи при Министерството за одбрана во Република Северна Македонија под раководство на проф. д-р Насер Етеми.
Со цел да се поврзе теоријата со практичниот дел од предметот Криминална тактика 1, студентите имаа можност одблиску да слушнат за обуката на кучиња трагачи, нивните вештини, типови и како се користат при откривање и истражување на разни криминални прекршоци.
