Скопје, април 2026 година – Универзитетот „Мајка Тереза“ во Скопје ги известува студентите, академскиот кадар и пошироката јавност дека, во рамките на стратегијата за зголемување на квалитетот на образованието, презеде конкретни чекори за спроведување систематска контрола на плагијат и детекција на употребата на Вештачка интелигенција. Овој процес ќе биде задолжителен за сите дипломски трудови од прв циклус (Bachelor), како и за магистерските тези (Master).

Ова институционално ангажирање се реализира во тесна соработка со менторите, кои ќе имаат клучна улога во следењето и верификацијата на оригиналноста на трудовите преку напредни технолошки платформи. Овој важен чекор доаѓа како резултат на итната потреба за зачувување на научно-истражувачкиот интегритет и обезбедување дека секој труд ги одразува реалните способности и автентичната работа на студентот.

Преку овој механизам, УМТ има за цел да обезбеди меритократија – правично вреднување на студентите кои работат со посветеност и оригиналност. Да ја заштити академската етика – преку спречување на копирање и неовластена употреба на генеративни алатки за Вештачка интелигенција без соодветно наведување на извори. Да го зголеми научниот квалитет – преку унапредување на нивото на трудовите што се бранат во нашите академски единици, приближувајќи ги до стандардите на најреномираните меѓународни универзитети.

Ги повикуваме студентите и академскиот кадар оваа иницијатива да ја гледаат како можност за зголемување на вредноста на нивните академски титули. Заедничката посветеност кон средина без плагијат е најдобрата инвестиција за иднината на институцијата и за професионалниот кредибилитет на секој дипломиран студент на Универзитетот „Мајка Тереза“ во Скопје.