Скопје, 29.05.2026 година – Деканот на Факултетот за технички науки при Универзитетот „Мајка Тереза“ во Скопје, проф. д-р Неритан Туркеши, и вон. проф. д-р Егзона Исени реализираа неколкудневна академска посета на Универзитетот „Сабахатин Заим“ во Истанбул, Турција, во рамките на меѓународната програма ERASMUS+.

За време на посетата, професорите од УМТ одржаа тематски предавања пред студентите и академскиот кадар на домаќинот. Проф. д-р Неритан Туркеши предаваше на тема „Улогата на монетарните политики во економскиот развој во РСМ“, додека вон. проф. д-р Егзона Исени ја презентираше темата „Примена на определениот интеграл“, поттикнувајќи активни дискусии и особен интерес кај присутните.

Во рамките на официјалните активности, нашите професори беа примени на средба од ректорот на Универзитетот „Сабахатин Заим“, проф. д-р Исмаил Кучук, со кого разговараа за продлабочување на меѓууниверзитетската соработка, размена на искуства и заедничка организација на научни конференции во иднина.