Скопје, 23.07.2026 – Ректорот на Универзитетот „Мајка Тереза“ во Скопје, проф. д-р Беким Фетаји, денеска во својот работен кабинет одржа официјална средба со претседателот на Универзитетскиот колеџ „Canadian Institute of Technology“ (CIT) од Тирана, проф. д-р Рамиз Зекај.

Во фокусот на оваа братска и институционална средба беше разговорот за можностите за академска, научна и технолошка соработка меѓу двете високообразовни институции.

За време на средбата, двајцата раководители разменија мислења за развојот на заеднички научноистражувачки проекти во областа на технологијата, иновациите и општествените науки, можностите за мобилност на студентите и академскиот кадар меѓу УМТ и CIT, како и за организирање меѓународни конференции и академски активности од заеднички интерес.

На средбата беше истакнато и посебното значење на историскиот факт дека првиот официјален договор за соработка меѓу CIT и УМТ датира од периодот на мандатот на првиот ректор, проф. д-р Азиз Положани. Оваа долгогодишна академска поврзаност претставува цврста основа за повторно потврдување и унапредување на институционалните мостови на соработка во иднина.

Ректорот на УМТ, проф. д-р Беким Фетаји, во придружба на г. Дритон Зендели, му се заблагодари на проф. д-р Рамиз Зекај за официјалната посета, чија цел беше унапредување на квалитетот на образованието и отворање нови можности за студентите.

Од своја страна, претседателот на CIT, проф. д-р Рамиз Зекај, му честиташе на ректорот Фетаји за постигнувањата на УМТ и високо ја оцени посветеноста на Универзитетот кон развојот и научниот напредок во регионот.