Бар/Црна Гора, април 2026 година – Во рамките на проширувањето на регионалната академска соработка, Факултетот за социјални науки при Универзитетот „Мајка Тереза“ во Скопје и Факултетот за спорт и физичка култура при Универзитетот на Црна Гора официјално потпишаа меморандум за соработка.

Договорот беше потпишан од деканите на двете академски единици, вон. Проф. д-р Бејтула Емини и проф. д-р Јован Гардашевиќ од Универзитетот на Црна Гора. Церемонијата на потпишување се одржа на маргините на меѓународната научна конференција „3rd Annual Scientific PASTECHL Sport and Health Conference“, со тема: „Sport, Science, and Technology for the Future of the Olympic Movement“, која ги одржа своите активности од 23 до 26 април 2026 година во градот Бар.

За време на конференцијата, деканот Емини беше придружуван од делегацијата на УМТ, составена од проф. д-р Блерим Саити и вон. проф. д-р Агон Саити, кои придонесоа во размената на искуства и дискусиите за иновациите во спортските науки.

Овој меморандум претставува стратешки чекор кон зајакнување на академските и истражувачките врски меѓу двете институции. Документот предвидува создавање можности за заеднички научни проекти, размена на академски кадар и студенти, како и заедничка организација на активности и конференции што го поврзуваат физичкото образование со современата технологија во служба на јавното здравје.

Ова ново партнерство има за цел директно да придонесе кон унапредување на квалитетот на наставата, поттикнување на научното истражување и промоција на активен и здрав начин на живот во нашите општества.