Житоше, април 2026 година – Кампањата за промовирање на студиските програми и условите за упис на Универзитетот „Мајка Тереза“ во Скопје беше презентирана и пред матурантите од гимназијата „Рилиндја“, која опфаќа ученици од регионот на Прилеп и Крушево.

Во отсуство на директорот Мираим Бајрами, кој беше на екскурзија со учениците од трета година, промотивниот тим беше топло пречекан од професорите Ерсан Алими, Музафер Алиу и другиот наставен кадар. Тие накратко информираа за историјата на училиштето, основано во 2014 година, истакнувајќи дека моментално наставата ја следат околу 300 ученици, од кои приближно 70 се матуранти.

Студиските програми беа детално презентирани од проф. д-р Мустафа Ибраими, декан на Факултетот за хуманистички науки, кој преку презентација со слајдови ги образложи насоките на осумте факултети што функционираат во рамките на УМТ. Посебно внимание беше посветено и на почетокот на изградбата на модерен универзитетски кампус, кој ќе нуди напредни услови за студирање, вклучувајќи современа инфраструктура, модерна библиотека, спортски сали, базен, како и зелени површини и паркинг.

Во однос на наставниот процес, беше истакната примената на современи методи на настава и поттикнувањето на научно-истражувачката дејност, во согласност со барањата на пазарот на трудот. Исто така беа споменати можностите што ги нуди Универзитетот преку меѓународни проекти како Еразмус+, како и функционирањето на Центарот за кариера.

Матурантите со голем интерес ја следеа презентацијата и поставуваа прашања во врска со студиските програми и условите за студирање, при што добија детални одговори и информативни материјали за академската понуда.