Скопје, 03.06.2026 – Денес на Универзитетот „Мајка Тереза“ во Скопје успешно заврши тридневното издание на Летната школа посветена на темата „Вовед во финансиските пазари и хартии од вредност“. Оваа интензивна активност, која започна на 1 јуни, беше реализирана како стратешко партнерство помеѓу Економскиот факултет при УМТ и Комисијата за хартии од вредност на Република Северна Македонија, претставувајќи ефикасен процес на пренесување на теоретските знаења во практичната примена на пазарот на капитал.

Во текот на овие три дена, студентите имаа единствена можност да следат значајни модули кои ги опфатија основите на финансиските инструменти, регулаторната рамка, деловната етика, како и трговските стратегии и финансиските анализи, водени од врвни експерти од оваа област. Обуката директно придонесе за збогатување на нивниот академски профил и за создавање цврста врска со практичниот пазар на труд.

На свеченото затворање беа доделени благодарници и сертификати на сите студенти кои успешно ја следеа програмата. Доделувањето на признанијата го извршија проректорот вонр. проф. д-р Бујамин Бела, претседателката на Комисијата за хартии од вредност, г-ѓа Бујаре Абази, како и деканката на Економскиот факултет, вонр. проф.. д-р Букурије Имери Јусуфи.

УМТ и КХВ им честитаа на студентите за покажаната посветеност и ја изразија својата целосна подготвеност за продолжување на оваа плодна соработка и во иднина, сметајќи ја финансиската едукација на младите генерации за еден од клучните столбови на економската стабилност и развој на државата.