Скопје, 03.06.2026 години – Во организација на Факултетот за хуманистички науки при Универзитетот „Мајка Тереза“ во Скопје, денес се одржа културна и книжевна средба со истакнатиот белгиско-албански франкофон, интелектуалец и писател, г. Скендер Шерифи, во рамките на неговиот книжевен јубилеј 70-50.

Настанот го отвори проректорот за настава на УМТ, проф. д-р Фати Исени, кој во име на Ректоратот му посака добредојде на гостинот, оценувајќи го како достоен амбасадор на албанската култура во Европа и како инспиративен пример за студентите.

Присутните ги поздрави и деканот на Факултетот за хуманистички науки, проф. д-р Мустафа Ибраими, кој ја истакна важноста на организирањето настани од вакво академско и културно ниво.

Модератор на активноста беше проф. д-р Изер Максути, кој даде краток осврт на творештвото и дејноста на авторот, пред да му го отстапи зборот на г. Шерифи. Во своето обраќање, тој со публиката ги сподели своите искуства и визии за книжевното творештво и идентитетот.

Настанот доби и уметничка димензија преку рециталот на студентката Елиза Мејдини, а заврши со отворена и интерактивна дискусија со студентите и професорите, кои имаа можност да разменат мислења и да постават прашања до авторот.