Проф. д-р Glenn A. Hole од USN на официјална средба со ректорот проф. д-р Беким Фетаји

Скопје, 13.10.2026 година – Ректорот на Универзитетот „Мајка Тереза“ во Скопје, проф. д-р Беким Фетаји, денеска на официјална средба го прими проф. д-р Glenn A. Hole од Универзитетот на Југоисточна Норвешка (USN).

За време на средбата, ректорот Фетаји му се заблагодари на професорот Hole за неговиот ангажман во академските активности што ќе се организираат за наставниот кадар и студентите на УМТ. Посетата се реализира во рамките на Меморандумот за разбирање меѓу двата универзитета и ќе опфати предавања, работилници, менторство и заеднички научноистражувачки проекти.

На средбата, ректорот беше придружуван од проректорите проф. д-р Фати Исени и проф. д-р Сани Демири, професорката вонр. проф. д-р Уриме Демири Шаипи, како и Арта Аџиу од Канцеларијата за меѓународни односи, додека проф. д-р Glenn A. Hole беше придружуван од г. Блерим Ѓони.

Потоа, делегацијата ги посети студиските простории на универзитетот, каде што одблиску се запозна со инфраструктурните услови и секојдневните академски активности. За време на посетата, проф. д-р Glenn A. Hole имаше можност непосредно да разговара со студентите, при што им честиташе за нивната посветеност и ја истакна важноста на меѓународната размена на искуства за нивниот професионален развој.