Скопје, 14.10.2026 година – Ректорот на Универзитетот „Мајка Тереза“ во Скопје, проф. д-р Беким Фетаји, денеска оствари официјална средба со олимпискиот шампион, г. Шабан Трстена.

За време на средбата, ректорот Фетаји и олимпискиот шампион г. Трстена ја иницираа организацијата на Универзитетската студентска олимпијада „Мајка Тереза“, која ќе се одржи на 30 март 2027 година.

Олимпијадата ќе ја организира г. Шабан Трстена, освојувач на златен и сребрен олимписки медал, под покровителство на ректорот на УMТ, проф. д-р Беким Фетаји.

На овој голем спортски настан ќе учествуваат студентски екипи од универзитетите во Северна Македонија, Косово, Албанија и регионот. Исто така, учеството ќе биде отворено и за студентски екипи од дијаспората, кои можат да бидат формирани од студенти на различни меѓународни универзитети.

Оваа иницијатива има за цел промовирање на универзитетскиот спорт, духот на фер-плејот и пријателството меѓу студентите, како и зајакнување на меѓууниверзитетската соработка и врските со дијаспората.

Спортските дисциплини, деталната програма и начинот на пријавување ќе бидат објавени во следните известувања.

За повеќе информации или прашања во врска со организацијата, можете директно да се обратите на електронската адреса: shaban.terstena@unt.edu.mk