Скопје, 22.04.2026 – Универзитетот „Мајка Тереза“ во Скопје активно учествуваше на настанот „Отворен ден“, организиран од Автосообраќајниот училишен центар „Боро Петрушевски“. За време на овој настан, универзитетот ги претстави студиските програми и многубројните можности кои им се нудат на идните студенти.

На настанот, УМТ беше претставен од страна на претседателката на Сенатот, вонр. проф. д-р Оливера Петровска, деканката на Факултетот за технички науки, вонр. проф. д-р Уриме Демири-Шаипи, како и професорите проф. д-р Зоран Гацовски и проф. д-р Зоран Трифунов. Преку директни разговори, матурантите и другите посетители се запознаа одблиску со академските курикулуми, можностите за професионален развој и перспективите за вработување по дипломирањето.

Посебен акцент за време на презентацијата беше ставен на стратешката соработка со приватниот сектор. Во текот на настанот беа воспоставени важни контакти за вмрежување со партнерски компании, соработка која има за цел да го олесни вклучувањето на студентите во стручни практики и да ја зголеми нивната подготвеност за предизвиците на современиот пазар на труд.

Во знак на благодарност за континуираната меѓуинституционална соработка, раководството на училиштето му додели признание на Универзитетот „Мајка Тереза“ во Скопје.

УМТ останува посветен на својата мисија да ги води младите кон успешна кариера преку квалитетно и современо образование.