Драч, 27.04.2026 година – Во рамки на регионалната и меѓународната соработка, ректорот на Универзитетот „Мајка Тереза“ во Скопје, проф. д-р Беким Фетаји, беше дел од панелот на поканети академици на „Меѓународната недела“ (International Week), организирана од Факултетот за бизнис при Универзитетот „Александер Моисиу“ во Драч.

Во своето обраќање, ректорот Фетаји го нагласи фактот дека меѓууниверзитетската соработка и стратешките партнерства претставуваат столб на институционалниот развој во современото високо образование. Тој ја истакна потребата од суштинска трансформација на начинот на кој универзитетите меѓусебно соработуваат и комуницираат со индустријата, преминувајќи од формалности кон практична соработка.

Моделите на успешна соработка, според ректорот Фетаји, покажуваат дека успехот на академските партнерства денес повеќе не може да се потпира само на формални меморандуми, туку на динамични модели кои создаваат мерлива вредност за сите вклучени страни. Во таа насока, тој како приоритет го издвои создавањето заеднички магистерски студиски програми, како први конкретни и мерливи вредности што УMТ има интерес да ги реализира во идните соработки со сродните универзитети.

Учеството на УMТ на овој динамичен настан, кој служи како платформа за размена на идеи во наставата и научноистражувачката работа, повторно ја потврдува непоколебливата посветеност на нашата институција кон глобален ангажман. Преку директна интеракција со меѓународните партнери, УMТ продолжува да ги подготвува своите студенти за успех во глобализираниот свет, истовремено зајакнувајќи ја својата улога како активен и доверлив партнер во европското академско опкружување.

Посетата послужи и како одлична можност за зајакнување на професионалните врски меѓу двата наши универзитета, со цел градење односи што ќе траат и по овој настан и ќе придонесат за унапредување на квалитетот на високото образование во целиот регион.