Скопје/Тирана, јуни 2026 година – Во рамките на официјалните средби во Република Албанија, ректорот на Универзитетот „Мајка Тереза“ во Скопје, проф. д-р Беким Фетаји, оствари продуктивна средба со директорката на Националната агенција за млади, г-ѓа Сара Бодо.

Ректорот Фетаји, придружуван од претседателот на Универзитетското студентско собрание, Бесар Сејдиу, м-р Дритон Зендели и Јасир Мемеди, ги информираше г-ѓа Бодо и амбасадорот на Република Албанија во Скопје, Н.Е. Денион Мејдани, за најновите институционални развои и програмите кои УМТ ги реализира во поддршка на студентите.

Фокусот на разговорот беше насочен кон проширување на регионалната соработка во областа на младите, при што особено беше разгледана можноста за активно вклучување на младите од Северна Македонија во активностите на Националната агенција за млади. Страните се согласија да ги координираат заедничките иницијативи што поттикнуваат размена на искуства, граѓански ангажман, како и личен и професионален развој на студентите.

УМТ изразува искрена благодарност до амбасадорот, Н.Е. Денион Мејдани, за неговиот максимален ангажман во организацијата и успешната реализација на оваа средба.