Скопје, април 2026 година – Студентите на Правниот факултет од студиската програма Криминалистика, под раководство на проф. д-р Насер Етеми, реализираа студиска посета на Единицата за форензички испитувања при Министерството за внатрешни работи во Скопје.

За време на оваа посета, студентите имаа можност одблиску да ги видат комплексните процеси на испитувања и анализи на средствата и трагите обезбедени за време на истрагите на местото на настанот или при други истражни-процедурални дејствија.

Експертите од единицата ги запознаа студентите со лабораториите за вештачење на папиларни траги, дактилоскопски евиденции и идентификација на лица, како и со лабораториите за детекција на биолошки траги, микроскопски и серолошки анализи. Посетата продолжи со презентација на работата во лабораторијата за токсикологија и дроги, анализа на микротраги, механоскопски испитувања и испитувања на моторни возила, како и лаборатории специјализирани за огнено оружје, балистика, пожари и дигитална форензика.

Во текот на ова искуство, студентите ги следеа објаснувањата за практичните искуства на експертите, како и примената на најсовремените форензички методи кои се клучни за расветлување на кривичните дела.

Оваа посета послужи како одлична можност за усогласување на теоретските знаења со реалните предизвици на криминалистичките истражувања за потребите на правосудниот систем.