Скопје, април 2026 – Во просториите на Универзитетската библиотека на Универзитетот „Мајка Тереза“ во Скопје успешно се одржа информативна сесија за отворениот повик за Erasmus+ стипендии за академската 2026–2027 година. Овој настан привлече голем број студенти заинтересирани да ги прошират своите академски и професионални хоризонти преку програмите за мобилност во партнерските европски универзитети.

Сесијата беше водена од проректорката за меѓународни односи, вонр. проф. д-р Дитурије Исмаили, која детално ги информираше студентите за процедурите за аплицирање, критериумите за селекција, како и значењето од добивањето Erasmus+ стипендии за студии и практична работа. За време на презентацијата, беа јасно објаснети потребната документација и временските рокови, при што на студентите им беа понудени практични насоки за успешно аплицирање.

Проректорката Исмаили истакна дека програмата Erasmus+ не претставува само можност за академски напредок, туку и вредно животно искуство кое придонесува за личен развој и запознавање со нови култури. Настанот продолжи со сесија на прашања и одговори, при што студентите имаа можност да ги разјаснат сите нејаснотии поврзани со процесот на размена и признавањето на кредитите.