Скопје, 06.05.2026 година – Универзитетот „Мајка Тереза“ во Скопје денес ја одржа конститутивната седница на највисокото академско тело, при што членовите на Сенатот од сите осум академски единици едногласно гласаа за реизбор на вон. проф. д-р Оливера Петровска на функцијата претседател на Сенатот.

Ова гласање повторно ја потврдува довербата на академската заедница во досегашното раководство и континуираната посветеност на вон. проф. д-р Оливера Петровска во успешно водење на ова тело. Сенатот останува клучен столб во развојот на академските и научните политики, играјќи значајна улога во растот и стратешката стабилност на нашиот универзитет.

Широката поддршка дадена од членовите на Сенатот за новиот едногодишен мандат укажува на единството и заедничката визија на УМТ кон највисоки стандарди во високото образование.