Shkup, 05.03.2024 – Rektori i Universitetit ‘Nënë Tereza’ në Shkup Prof.dr. Izet Zeqiri priti në një takim pune rektorin e Universitetit Ndërkombëtar Ballkanik – IBU në Shkup, Prof.dr. Lytfi Sunar.

Gjatë takimit dy rektorët biseduan lidhur me gjendjen e përgjithshme në arsimin e lartë në Maqedoninë e Veriut, programet studimore që u ofrohen studentëve, kushtet për bashkëpunim mes stafit dhe studentëve të dy institucioneve të larta arsimore.

Rektori Zeqiri i cili shoqërohej nga prorektori për Marrëdhënie ndërkombëtare Prof.dr. Rizvan Suljemani, prorektori për Shkencë Prof. dr. Bekim Fetaji dhe sekretarja e përgjithshme Mukadese Hajdari informoi mysafirin me zhvillimet në UNT, programet studimore në kuadër të fakulteteve, numrin e studentëve dhe me objektet e reja që qeveria ndau para një viti për UNT-në në kazermën Ilinden, ngjitur me hapësirat e IBU-s. Rektori i Universitetit Ndërkombetar Ballkanik – IBU, Prof.dr. Lytfi Sunar shoqërohej nga zëvendës rektorët Mevludin Ibish dhe Snezhana Biliç.

Dy bashkëbiseduesit diskutuan për bashkëpunimin mes programeve studimore të fakulteteve, aktiviteteve në kuadër të drejtorisë interuniversitare.