Shkup, Maj 2026 – Universiteti “Nënë Tereza” në Shkup ka hedhur një hap të rëndësishëm drejt modernizimit të shërbimeve studentore me lansimin zyrtar të Portalit të ri të Qendrës së Karrierës. Platforma u prezantua nga Rektori i UNT-së, Prof. Dr. Bekim Fetaji, i cili theksoi rëndësinë e këtij mjeti në rritjen e punësueshmërisë së të rinjve.

Ky projekt shënon funksionalizimin e një platforme të avancuar digjitale, e krijuar për të lidhur studentët drejtpërdrejt me kompanitë dhe mundësitë reale për zhvillim profesional.

Softueri i ri funksionon si një hapësirë ndërvepruese ku studentët dhe punëdhënësit komunikojnë pa ndërmjetësues. Përmes kësaj platforme, studentët mund të krijojnë profile profesionale, të ndjekin tendencat e tregut dhe të aplikojnë për pozita të lira me një klikim. Në anën tjetër, kompanitë përfitojnë qasje të drejtpërdrejtë në një bazë të dhënash me talente të reja dhe të kualifikuara.

Platforma u ofron përdoruesve:

Punë dhe praktika ekskluzive: Qasje në oferta nga kompanitë dhe institucionet partnere të UNT-së.

Këshillim profesional: Mbështetje individuale për ndërtimin e karrierës, përgatitjen e CV-së dhe optimizimin e profilit në LinkedIn.

Komunikim i Shpejtë: Lidhje direkte dhe ndërveprim në kohë reale me punëdhënësit potencialë.

Informim dhe mentorim: Njoftime për punëtori (workshope) profesionale, panaire karriere dhe programe për zhvillimin e aftësive praktike (soft skills).

Në frymën e humanizmit të emrit që mban universiteti ynë, ky portal nuk kufizohet vetëm për studentët e UNT-së. Ai është një resurs i hapur për të gjithë studentët në vend, si dhe për të gjitha kompanitë dhe institucionet që synojnë të rekrutojnë staf profesionist dhe energjik. UNT fton të gjithë studentët dhe bizneset që të bëhen pjesë e këtij rrjeti duke u regjistruar në adresën zyrtare: https://carrier.great-site.net