Rektori i Universitetit ‘Nënë Tereza’ në Shkup Prof.dr. Izet Zeqiri sot takoi drejtorë të shkollave të mesme të Shkupit, me të cilët diskutoi mbi bashkëpunimin e shkëlqyer mes tyre, si dhe organizimin e pritjes së maturantëve në Ditën e Hapur dhe të karrierës, ditën e hënë.

Në takimin e realizuar me drejtorin e gjimnazit ‘Zef Lush Marku’ Arben Memedi, drejtorin e shkollën e mesme ‘Cvetan Dimov’ Sakip Axhami, drejtorin e shkollës së mesme të Sarajit Bedri Gjureci, me zv.drejtorin e shkollës së mesme Q.Sh.A “Boro Petrushevski” në Shkup, Zekirja Zekiri, zëvendës drejtorin e SHMNGJ ‘Zdravko Cvetkovski’ Tesnim Etemi, u diskutua lidhur me realizimin e memorandumeve të bashkëpunimit, shkëmbimin e kuadrit, adaptimin e programeve studimore sipas kërkesës së studentëve dhe planet për vazhdimin e studimeve universitare.

Universiteti ‘Nënë Tereza’ në Shkup të hënën më 15 maj 2023, me fillim në orën 10:00 organizon Ditën e Hapur dhe Ditën e Karrierës, në hapësirat e reja tek kazerma Ilinden, përballë Ambasadës së SHBA-ve, ku ka ftuar gjithë maturantët e interesuar të marrim pjesë.