Програма ЕРАЗМУС+

Во текот на академската 2025–2026 година, Универзитетот продолжи активно да ја промовира програмата Erasmus+ како главен инструмент за академска интернационализација. Канцеларијата за меѓународни односи обезбеди поддршка за информирање за можностите за мобилност за студенти, наставен и административен кадар, вклучувајќи процедури за аплицирање, критериуми за учество и подготовка за мобилност.

Програмата Еразмус+ претставува клучна иницијатива на Европската Унија насочена кон унапредување на образованието, обуката, младите и спортот. Таа има за цел да ги поттикне мобилноста, соработката и иновациите во образовните системи, овозможувајќи им на студентите, наставниците и административниот кадар да стекнат нови знаења, вештини и искуства во меѓународна средина. Преку оваа програма се зајакнува и меѓукултурниот дијалог, како и чувството на европска припадност.

Република Северна Македонија е дел од програмата Еразмус+ како програмска земја од 2014 година, што овозможува активно учество во сите нејзини компоненти. Ова учество им дава можност на студентите и вработените да аплицираат за мобилности, обуки, како и за вклучување во заеднички европски проекти, со што директно се придонесува кон подобрување на квалитетот на образованието и професионалниот развој.

Универзитетот „Мајка Тереза“ во Скопје континуирано ја зајакнува својата позиција во рамки на Еразмус+ програмата, со јасна стратешка ориентација кон интернационализација. Преку активно учество во мобилности и партнерства, универзитетот создава можности за размена на добри практики, модернизација на наставните програми и воведување на иновативни пристапи во наставата. Овие активности придонесуваат за подобрување на академскиот квалитет и за зголемување на атрактивноста на универзитетот за домашни и странски студенти.

Во извештајниот период април 2025 – април 2026 година, Универзитетот „Мајка Тереза“ во Скопје успешно ги реализираше следните мобилности во рамки на програмата Еразмус+:

• Мобилност на студенти за студии – 5 (пет)
• Мобилност на студенти за практикантство (traineeship) – 1 (еден)
• Мобилност на наставен и административен кадар – 8 (осум)

Покрај излезните мобилности, Универзитетот продолжи да биде домаќин на странски студенти и кадар од партнерските институции, при што во извештајниот период беа реализирани околу 30 (триесет) дојдовни мобилности на наставен и административен кадар. Овие посети значително придонесуваат за размена на искуства, унапредување на наставните практики и зајакнување на меѓународната соработка. Воедно, тие ја збогатуваат академската средина и поттикнуваат интеркултурен дијалог, што има позитивно влијание врз целокупниот развој на универзитетот.

На институционално ниво, учеството во Еразмус+ програмата резултира со проширување на мрежата на меѓународни партнери, продлабочување на соработката со универзитети и организации од Европа, како и унапредување на административните капацитети, особено во делот на управување со проекти и мобилности. Секторот за меѓународна соработка игра значајна улога во координацијата и имплементацијата на овие активности, обезбедувајќи ефикасна поддршка за сите учесници.

Дополнително, преку Еразмус+ се поттикнува дигитализацијата на процесите, како што се користење на алатки за управување со мобилности и воведување на европски иницијативи како Erasmus Without Paper и Европската студентска картичка, што придонесува за поефикасно и модерно функционирање на институцијата.

Учеството во програмата Еразмус+ придонесува и за зголемување на конкурентноста на Универзитетот „Мајка Тереза“ во Скопје, овозможувајќи му да се позиционира како релевантен партнер во европскиот образовен простор. Воедно, програмата има пошироко општествено влијание преку поттикнување на соработка, разбирање и солидарност меѓу народите, што е од особено значење за развојот на современото европско општество.

Преку сите овие активности, Универзитетот продолжува да ја унапредува својата меѓународна видливост, да создава нови можности за своите студенти и вработени и активно да придонесува кон развојот на европската образовна заедница.

ЕРАЗМУС+ МЕЃУИНСТИТУЦИОНАЛНИ ДОГОВОРИ

Меѓуинституционалните договори претставуваат основа за реализација на мобилности во рамки на програмата Еразмус+ и овозможуваат размена на студенти, наставен и административен кадар помеѓу високообразовни институции. Тие се клучен инструмент за воспоставување и одржување на меѓународната соработка.

Во текот на извештајниот период, Универзитетот продолжи да ја развива соработката со партнер институции преку договори за соработка, меморандуми, академско вмрежување и активности поврзани со мобилност и проекти. Овие партнерства претставуваат основа за мобилност, заедничко учество во проекти и долгорочен институционален развој.

Договори содржат важни информации како што се квоти за мобилност на студенти и кадар (за студии и обука), научни области, договорени периоди на мобилност, рокови за номинација, јазик на настава, како и други релевантни насоки за успешна реализација на мобилностите.

Секторот за меѓународна соработка и проректорот за меѓународна соработка, во координација со раководството на Универзитетот „Мајка Тереза“ во Скопје, континуирано работи на проширување и унапредување на мрежата на партнерски институции. Во таа насока, се вложуваат напори за воспоставување нови соработки, но и за активирање на размена со институции со кои сè уште нема формализирана соработка преку договори.

Во извештајниот период април 2025 – април 2026 година, беа обновени 5 (пет) постоечки меѓуинституционални договори, додека нови договори беа потпишани со следните универзитети:

• TECHNICAL UNIVERSITY OF VARNA
• CHAROKOPEIO PANEPISTIMIO
• UNIVERZITA PALACKEHO V OLOMOUCI
• MARMARA UNIVERSITY
• UNIVERSITETET I SOROST-NORGE
• SVEUČILIŠTE SJEVER
• UNIVERSITÀ DEGLI STUDI DI SASSARI (Faculty of Social Sciences)
• UNIVERSITY OF RUSE “ANGEL KANCHEV”

Со потпишувањето на овие договори, Универзитетот „Мајка Тереза“ во Скопје дополнително ја зајакнува својата меѓународна позиција и создава нови можности за академска размена, заеднички активности и развој на партнерства. Овие соработки придонесуваат за збогатување на образовното искуство на студентите и кадарот, како и за зголемување на видливоста на универзитетот во европскиот образовен простор.