Shkup, 26.08.2026 – Në kuadër të shënimit të përbashkët të 116-vjetorit të lindjes dhe 10-vjetorit të shenjtërimit të Nënës Terezë, delegacioni i Universitetit “Nënë Tereza” në Shkup i kryesuar nga rektori Prof. Dr. Bekim Fetaji, së bashku me drejtuesit e Institutit të Trashëgimisë Shpirtërore e Kulturore të Shqiptarëve (ITSHSH), sot kanë vendosur kurora me lule të freskëta pranë pllakës përkujtimore të Humanistes së Madhe në sheshin “Maqedonia” në Shkup.

​Aktivitetet përkujtimore nën moton “Kujtojmë Gonxhen tonë dhe Terezën e mbarë botës” nisën zyrtarisht në orën 10:00, duke bashkuar udhëheqësinë akademike dhe stafin e universitetit.

​Në këtë akt solemn morën pjesë, rektori UNT-së, ​Prof. Dr. Bekim Fetaji, ​kryetarja e Senatit, Prof. Dr. Olivera Petrovska, si dhe prorektorët ​Prof. Dr. Fati Iseni dhe ​Prof. Inor. Dr. Bujamin Bela si dhe Donka dhe Mira Kaziovska. ​Pas nderimeve te pllaka përkujtimore në sheshin “Maqedonia”, programi solemn përkujtimor vazhdoi me aktivitete të mëtejshme akademike e kulturore në hapësirat e Universitetit “Nënë Tereza” në Shkup