Një delegacion nga Universiteti ‘Nënë Tereza’ në Shkup vizitoi Universitetin ‘John Von Neumann’jnë Keçkemet, Hungari, një universitet me të cilin UNT ka marrëveshje bashkëpunimi.

Delegacioni i përbërë nga Rektori i UNT-së, Prof. Dr. Aziz Pollozhani, Prorektori për Mësimdhënie, Prof. Dr. Inor. Zoran Trifunov dhe Dekani i Fakultetit të Teknologjisë, Assoc. Dr. Sani Demiri u takua me rektorin e këtij universiteti, me ç’rast zgjeruan  bashkëpunimin në Programin e Lëvizshmërisë ‘Erasmus +’ për stafin akademik dhe studentët nga të dy universitetet.

Gjatë këtyre takimeve, u ra dakord që në të ardhmen profesorët e UNT-së të vizitojnë Universitetin e Keçkemetit dhe të zhvillojnë ligjerata dhe ushtrime në laboratorët e tyre.

Delegacioni nga Universiteti ynë vizitoi laboratorët dhe punëtoritë e Universitetit, ku u njohën me punën e laboratorëve.

U prezantuan inovacionet e bëra në këtë universitet, të tilla si një automjet me energji diellore dhe një automobil që udhëtoi 3.000 km me një litër karburant.