DIJANA TOSKA DHUROI HIMNIN E NËNË TEREZËS UNIVERSITETIT “NËNË TEREZA” NË SHKUP

Shkup, 19.06.2024 – Rektori i Universitetit “Nënë Tereza” në Shkup Prof. Dr. Izet Zeqiri sot zhvilloi një takim pune me znj. Dijana Toska një intelektuale shembullore e cila në karrierën e saj 30-vjeçare ka punuar gazetare, korrespodente, drejtore, producente e programeve politike dhe bashkëpunëtore e agjensive të ndryshme të lajmeve vendase e ndërkombëtare.

Rektori Zeqiri informoi znj. Toska me zhvillimet në UNT, programet studimore në kuadër të tetë fakulteteve, numrin e studentëve si dhe zhvillimin e proceseve në arritjet akademiko – shkencore në veçanti edhe për ceremoninë e Absolventëve 2024 si gjenerata e gjashtë në UNT që do të realizohet nesër.

Dijana Toska falënderoi rektorin Zeqiri për mirëpritjen dhe elaborimet rreth zhvillimit me punë të UNT-së si dhe në shenjë mirënjohjeje dhuroi himnin e Nënë Terezë i cili himn është qëndisur dhe përshtatur jetës dhe veprës dhe namit që gëzon Gonxhe Bojaxhiu (Nënë Tereza) në botën universale, znj. Toska po ashtu dhuroi edhe një libër nga botimet e saj me titull “Maqedonia në gazetarinë time”.