Shkup, 06.05.2026 – Universiteti “Nënë Tereza” në Shkup zhvilloi sot mbledhjen konstituive të organit më të lartë akademik, ku anëtarët e Senatit nga të tetë njësitë akademike votuan njëzëri për rizgjedhjen e Prof. Inor. Dr. Olivera Petrovska në pozitën e kryetares së Senatit.

Ky votim rikonfirmon besimin e trupës akademike te lidershipi i deritanishëm dhe angazhimi i vazhdueshëm i Prof. Inor. Dr. Olivera Petrovskës në drejtimin e suksesshëm të këtij organi. Senati mbetet shtylla kryesore e zhvillimit të politikave akademike dhe shkencore, duke luajtur një rol kyç në rritjen dhe stabilitetin strategjik të universitetit tonë.

Mbështetja e gjerë e dhënë nga anëtarët e Senatit për mandatin e ri njëvjeçar tregon për unitetin dhe vizionin e përbashkët të UNT-së drejt standardeve më të larta të arsimit sipëror.