Stamboll, shtator 2022, Studentja Fatush Sadiki nga programi studimor ‘Sport dhe Shkencat Sportive’ pranë Fakultetit të Shkencave Sociale, ndoqi me sukses praktikën studentore tremujore, në kuadër të programit ‘Erasmus Plus’.

Ajo ishte pjesë e programit për mobilitet në universitetin ‘Sabahatin Zaim’ të Stambollit, ku arriti mesataren mbi 8.5, që i mundësoi asaj edhe bursën nga programi Erasmus plus për pjesë praktike, që është duke e shfrytëzuar për një periudhë shtesë tremujore, të cilën është duke e vazhduar në rolin e asistentes të trajneres së notit.

Sadiki u shpreh se është me fat që gjatë programit #ErasmusPlus kishte mundësinë të merrte pjesë edhe në Garat ndërkontinentale të Bosforit në not, të cilën pjesëmarrje e vlerëson si përvojë shumë të çmuar.