Shkup, 16.11.2020 – Universiteti “Nënë Tereza” në Shkup do të realizon Konferencën Ndërkombëtare “MIGRIMI, MOBILITETI DHE COVID-19: Implikimet aktuale dhe të ardhmes” (“MIGRATION, MOBILITY AND COVID-19: CURRENT AND FUTURE IMPLICATIONS”) më 20.11.2020.

Jemi dëshmitarë se kriza e shkaktuar nga virusi COVID 19 ka lënë në hije debatet ekzistuese të migracionit, por gjithsesi ajo është e lidhur në mënyrë të pandashme me lëvizjen. Pandemia COVID-19 ka ndikim të pashembullt në lëvizjen njerëzore në përgjithësi. Masa të ndryshme u zbatuan për t’iu përgjigjur virusit dhe për të zvogëluar përhapjen e virusit duke përfshirë bllokimin, kufizimet e udhëtimit dhe mbylljen e kufijve. Një numër i madh i migrantëve ishin të bllokuar ose të kthyer me forcë në vendin e tyre të origjinës. Ndërsa shumë sektorë të tillë si bujqësia u përballën me mungesën e punëtorëve. Shumë familje nuk mund të ribashkoheshin për shkak të kufizimeve të udhëtimit.

Për shkaqe të pandemisë Konferenca do të realizohet në formën ONLINE dhe e njëjta do të transmetohet live në rrjetet e informimit.