​Shkup, 14.10.2026 – Rektori i Universitetit “Nënë Tereza” në Shkup, Prof. Dr. Bekim Fetaji, priti sot në një takim zyrtar kampionin olimpik, z. Shaban Tërstena.

​Gjatë këtij takimi, rektori Fetaji dhe kampioni olimpik z. Tërstena iniciuan organizimin e Olimpiadës Universitare Studentore “Nënë Tereza”, e cila do të zhvillohet më 30 mars 2027.

​Olimpiada do të organizohet nga z. Shaban Tërstena, fitues i medaljes së artë dhe të argjendtë olimpike, nën patronazhin e rektorit të UNT-së, Prof. Dr. Bekim Fetaji.

​Në këtë ngjarje madhore sportive do të marrin pjesë ekipe studentore nga universitetet e Maqedonisë së Veriut, Kosovës, Shqipërisë dhe rajonit. Po ashtu, pjesëmarrja do të jetë e hapur edhe për ekipe studentore nga diaspora, të cilat mund të formohen nga studentë të universiteteve të ndryshme ndërkombëtare.

​Kjo nismë ka për qëllim promovimin e sportit universitar, frymës së garës së ndershme (fair-play) dhe miqësisë ndërmjet studentëve, si dhe forcimin e bashkëpunimit ndëruniversitar dhe lidhjeve me diasporën.

​Disiplinat sportive, programi detajuar dhe mënyra e aplikimit do të bëhen publike në njoftimet e radhës.

​Për detaje të mëtejshme apo pyetje rreth organizimit, mund të kontaktoni drejtpërdrejt në adresën elektronike: shaban.terstena@unt.edu.mk