𝐒𝐡𝐤𝐮𝐩, 𝟏𝟐.𝟎𝟒.𝟐𝟎𝟐𝟏 Duke pasur parasysh periudhën e vështirë me të cilën po përballemi për më shumë se një vit, Universiteti ‘Nënë Tereza’ në Shkup, sot dërgoi kërkesë për përfshirje në listën prioritare për vaksinim, edhe të kuadrit akademik dhe administrativ të UNT-së.

Kërkesa e dërguar në Grupin profesional për vaksinimin kundër COVID-19, pranë Ministrisë së Shëndetësisë, ka për qëllim që të mundësohet krijimi i kushteve, së paku, në fund të semestrit, për realizimin e programit në disa fakultete ku prezenca fizike është e domosdoshme.

UNT insiston se vetëm duke vaksinuar stafin, do të jetë në gjendje të sigurohet mundësia për zbatim të suksesshëm të programeve të studimit, sidomos tani kur Qeveria ka siguruar dhjetëra mijëra vaksina.