Në UNT u mbajt konferenca ndërkombëtare TSD 18

45235938_1956244551149635_3300899554882224128_o

Me 3 nëntorë në hapësirat e UNT-së në Shkup i zhvilloi punimet konferenca e dytë ndërkombëtare me temë “Drejt zhvillimit të qëndrueshëm”. Në hapjen e kësaj konference morën pjesë ministra, hulumtues shkencorë, profesorë e studentë nga vendi dhe jashtë. Në fjalimin e tij përshëndetës ministri i arsimit dhe shkencës në RM, z. Arbër Ademi në mes tjerash theksoi: “Më vjen jashtëzakonisht mirë që në një kohë relativisht të shkurtër, nga një universitet relativisht i ri të kemi zhvillime kaq pozitive dhe produktive sa i takon angazhimit për të qenë pjesë e rrjedhave të mendimit akademik e shkencor. Më të rëndësishëm e bën këtë fakt trajtimi i tematikave kuptimplota dhe me interes të gjërë, siç janë çështjet të cilat synojnë orientimin e shoqërive “Drejt zhvillimeve të qëndrueshme”.”

Ndërsa ministri i ekonomisë, z. Kreshnik Bekteshi potencoi: “Vendet në zhvillim kanë nevojë për resurse plotësuese për një zhvillim më të qëndrueshëm dhe kjo mund të arrihet duke investuar për një jetë më të mirë të qytetarëve gjegjësisht nëpërmjet një sistemi më të mirë të mbrojtjes sociale, arsimim, shëndetësi dhe shërbime publike.”

Kjo konferencë u organizua në drejtim të avancimit të ideve për mbështetje të zhvillimit të qëndrueshëm në rajon në vijë të definimit adekuat të komisarit Brundland që thekson se “Zhvillimi i qëndrueshëm është zhvillim që adreson nevojat e të tashmes pa kompromentuar aftësinë e gjeneratat e ardhshme që të mund të adresojnë nevojat e tyre”. Temat që u shtjelluan në konferencë ishin të organizuara në tre fusha me rëndësi: ekonomia, ekologjia dhe planifikimi hapësinor; edukimi dhe shkenca, dhe teknologjitë për informim dhe komunikim.

45333404_1956244697816287_286636934694961152_o 45327424_1956244984482925_709833123365388288_o 45247854_1956244591149631_7374187680176799744_o 45464793_1956244601149630_5705963171991257088_n 45367096_1956245454482878_3773857251823976448_o 45388533_1956245434482880_772342000081960960_o 45269000_1956245321149558_1138857075850346496_o 45231201_1956245194482904_206591096623464448_o 45254692_1956244881149602_7779099110736396288_o 45447442_1956245021149588_3334361181228892160_o 45291715_1956245177816239_1724216016843571200_o 45304166_1956244857816271_5544563510802907136_o

Share it with your friends...Share on FacebookShare on Google+Tweet about this on TwitterShare on LinkedIn